She'rlar





O’zbekiston, senga

Aylayin qalbimni tortiq nurli bo‘stonim, senga,
Sen vatandirsan, fidodir tanda bu jonim senga.

Bebahosan, asragayman gavharim, deb men seni,
Sen qarog‘ bo‘lsang agarda, sadqa mujgonim senga.

Sendan ayru dam uzundir, lahzalar ham yilga teng,
Bir umrga lek barobardir kerak onim senga.

Har bir ahling bitta yulduz, kavkabistonim o‘zing,
To hayotdirman, charog‘im, shu’layi shonim senga.

Yoru do‘stlar jam bo‘libdir, to‘y qilur o‘zbek elim,
Men degayman xush kelibsan, do‘stu mehmonim, senga.

Xizmatingga shay erurman, mehnatingda ham o‘zim,
Baxtiyorman, sarf etolsam borki imkonim senga.

Dilda borim sen uchundir, qo‘lda torim sen uchun,
Qayda bo‘lsam talpinurman, O’zbekistonim, senga.

Abdulla Oripov

Boshqa o'xshashlari


Qorboboga sher

Dala-dashtda tindi ish, 
Mehmon bo’lib keldi qish. 
Qish emas u qorbobo, 
Sovg’alari bor bobo! 

Batafsil
Yangi Yil bayramiga atab sherlar

Salom archa, bugun barcha
Dildan jo’shib kuylaymiz.
Shodligimiz sig’may ko’kka,
Qish faslini qutlaymiz.

Batafsil
Yangi yil kechasi

Ko’nglimizning parchasi,
Yangi yilning kechasi.
Ulashilar sovg’alar,

Batafsil